Ruujorilerisoq

Ruujorilerisutut sulinerup iluani annertuumik teknikkikkut ineriartorfiusimavoq, Taamaammat ilinniartitaaneq tamatigoortuuvoq. Ruujorilerisup suliassaassa ilagaat imermut atassusiinerit, kiassaatinik aammalu anartarfinnik ikkussuinerit soorlu erngup aqqutissaanik ledningilersuinerit, kissarsuutinik ikkussuinerit aammalu anartarfinnut kuuffiliornerit.

Aamma assersuutitut ruujorilerisup makkua suliarisinnaavai: 

• silap qanoq issusaanut uuttortaatinik aammalu silaanarissarfinnik ikkussuinerit
• qalissialersuinermut atatillugu saviminernik ikkussuinerit aammalu silaanarissarfilersuinerit
• saffiugaq
• ruujorilerisut sullivianni aaqqissuusinerit aserfallatsaaliinerillu
• Ilinniagaqarnissamut piumasaqaatit 

Qinnuteqaateqartoq ilinniakkami aallartinnginnerani suingusaamik sulinissamut isumaqatigiissummik atsiorsimassaaq.
 
Ilinniagaqarnissamut piumasaqaataavoq meeqqat atuarfianni 10. klassi naliginnaasoq naammassineqarsimassasoq, ukiumi karakteeri misilitsinnermilu minnerpaamik karakteri 6, naliliisarneq nutaanngitsoq najoqqutaralug imaluunniit GGS-skala E karakteriliissutini nutaani. Faagini ukunani: kalaallisut, qallunaatut, tuluttut, kisitsinik/matematik kiisalu fysik/kemi.
 
Ukioq siulleq Sanaartornermik Ilinniarfimmi atuarnermi piumasaqaataavoq matematikkimi tunngaviusumik misilitsinnermi niveau F-imi aammalu suliffeqarfilerinermi nutarterinermilu niveau F-imi angusisimanissaq.
 
Niveau F tassaavoq meeqqat atuarfianni naggataarutaasumik aammalu 10.klassemi misilitsissimaneq.
 
Taakkualu saniatigut immikkut suliassanut angusisimanissaq.
 
Aammattaaq tunngavissalimmik suliassanut angusisimanissaq.
 
Ruujorilerisutut sulinermi pingaaruteqarpoq peqqissaarluaqqissaarnissaq aammalu kisitsisit allattariarsornerullu tungaatsigut pikkorissuunissaq. Tamatuma saniatigut timikkut nukittuujusariaqarpoq.
 
Ilinniartitaanerup ilusilersornera imarisaalu. 
  
Faagit suut.
 
Illoqarfigisami tunngaviusumik atuarfigisami faagit nalinginaasut atuartitsissutigineqartartut tassaapput kisitsineq/namminersortutut aningaasaqarneq, attaveqatigiinneq aammalu ikiueqqqaarneq, ataatsimut atuagarsornerit soorlu: matematikki, ilusitsinik naatsorsuuserineq, titartaanermut ilinniarneq, isumannaallisaaneq aammalu sulliivimmi isumannaallisaaneq immikkullu faagit suliassartai.
 
Sanaartornermik Ilinniarfimmi tunngaviusumik faagit atuartitsissutigineqartartut tassaapput matematikki, atortussanik ilinniarneq, kisitsineq/teknikki atorlugu uppernarsaasiorneq, sulissamut paasinnissinnaaneq teknologilu atorlugu ineriartortitsineq aammalu teknikki atorlugu tuluttoorneq, faagit ilinniakkamut tunngasut tassaapput illup iluani ikkussuinerit, elektricitetip aqqutaanut uiguliuttakkanik suliaqarneq, saviminertassanik suliaqarneq, saviminernik nipititerineq aqerlorterinerlu, teknikki atorlugu assiaqusersuineq, ikuallaariaatsineq ilinniarneq, silaanarissarfinnik qalissialersuinermullu suliaqarneq, innaallagissap qanoq atornissaanut ilinniarneq, kissarsuuserinerup atuagarsornertaa qanorlu aqunneqarnissaa, aaqqissuusineq aammalu ajoqutinik misissuineq.
 
Misilitsinnerit: Tamatigut atuarfimmiinnermi naggataarutaasumik misilitsittoqartarpoq tassanilu angusisimanissaq piumasaqaataavoq tullissaani atuarnissamut isissutissaammat.
 
Ilinniarneq naggatarutaasumik misilitsiffiulluni naamassineqartarpoq.
 
Sungiusaamik sulineq, piffissat atuarfiusut, akunnerit atuarfiusut il.il.
 
Ukiumi atuarfiusumi siullermi aammalu sap.ak.marluk aallarnisaataasumik atuareernerup kingorna sap.ak.18-nit illoqarfigisami tunngaviusumik atuarfimmiinnissaq kinguneruttarpoq.
 
Ilinniarneq nikerartumik sungiusaamik sulinermik aammalu illoqarfigisami tunngaviusumik atuarfimmi aammalu Sanaartornermik Ilinniarfimmi atuarnermik ingerlanneqartarpoq. Ukiut marluk sisamat akornanni nikerartumik sungiusaamik sulinermik aammalu katillugit sisamariarluni Sanaartornermik Ilinniarfimmi atuarnermik sap.ak.qulit, aqqanik marluk, qulingiluat aammalu qulingiluat ilinniarneq ingerlanneqartarpoq.
 
Ilinniakkap qaffassarnissaannut periarfissat: Byggeteknikeri, VVS-teknikeri, Sanaartugassanik titartaasartoq
 
Paasissutissat pingaarutillit
 
Ilinniarnerup sivisissusaa: Ukiut sisamat.
 
Aallartiffik: Augustusip aallaqqaataa.
 
Attaveqaatit: Illoqarfigisami ilinniarfissanut siunnersorti, Piareersarfik illoqarfigisami aammalu/imall.