Sanasoq 

Siornatigut sanasutut/pequsiortutut ilinniagaqarnerit assigiingitsunut marlunnut sammitinneqarnikuupput. Kisiannili sanaartornerup iluani teknikkikkut ineriartornerup ilutigisaanik ilinniagaqarfiit taakku marluk ataatsimut katinneqarsimapput tassani siunertaalluni annertunerusumik ilinniagaqarnermi angusaqarnissaq. Sanasutut/pequsiortutut ilinniagaqarsimasup suliassarai illussanik angisuunik mikisunillu sanaartorneq taamatullu aamma illut iluisa silataasalu suliarineqarneri.

Piviusumik suliassat assersuutitut soorlu makkuupput: natilersuineq, iigalersuineq qalialersuinerillu taamatullu aamma majuartarfiliornerit, toqqaviliornerit, illut aserfallatsaaliorneqarnissaannut atatillugu iluarsartuusinerit aammalu nutarterinerit, sikaavilersuinerit, iggaviliornerit il.il.
 
Ilinniagaqarnissamut piumasaqaatit
 
Qinnuteqaateqartoq ilinniakkami aallartinnginnerani sungiusaamik sulinissamut isumaqatigiissummik atsiorsimassaaq.
 
Ilinniagaqarnissamut piumasaqaataavoq meeqqat atuarfianni nalinginnaasumik 11.klassemi soraarummeersimanissaq minnerpaamik agguaqatigiisillugu karakteri 6 angusiffigisimassallugu faagini ukunani: kalaallisut, qallunaatut, tuluttut, kisitsinik matematikkilu aammalu fysikki kemiilu.
 
Ukioq siulleq Sanaartornermik Ilinniarfimmi atuarnermi piumasaqaataavoq matematikkimi tunngavisumik misilitsinnermi niveau F-imi aammalu suliffeqarfilerinermi nutarterinermilu niveau F-imi angusisimanissaq.
 
Niveau F tassaavoq meeqqat atuarfianni naggatarutaasumik aammalu 10.klassemi misilitsissimaneq.
 
Taakkualu saniatigut immikkut suliassanut angusisimanissaq.
 
Aammattaaq tunngavissalimmik piukkunnaateqarneq.
 
Sanasuuniaraani timikkut nukittuussariaqarpoq aammalu silami sulisarnissaq naatsorsuutigisariaqarpoq.
 
Ilinniartitaanerup ilusilersornera imarisaalu.
 
Faagit suut.
 
Illoqarfigisami tunngaviusumik atuarfimmi faagit nalinginnaasut atuartitsissutigineqartartut tassaapput kisitsineq/namminersortutut aningaasaqarneq, attaveqatigiinneq aammalu ikiueqqaarneq, ataatsimut atuagarsornerit tassaapput matematikki, ilutsinik naatsorsuuserineq, titartaanermut ilinniarneq, isumannaallisaaneq aammalu sullivimmi isumannaallisaaneq immikkullu ilinniakkamut faagit suliassartai.
 
Sanaartornermik Ilinniarfimmi atuarnermi tunngaviusumik faagit atuartitsissutigineqartartut tassaapput teknologii atorlugu attaveqatigiittarneq, ilusilersuineq qalipaatilersuinerlu aammalu suliffeqarfilerineq, faagit ilinniakkamut tunngasut tassaapput sannatit atornissaanut ilinniarneq, titartaanermut ilinniarneq, sannavimmi sulineq, sanaartugassanik titartaaneq, titartaariaatsinik ilinniarneq, majuartarfiliornerit, sannavissuarnermi sulineq aammalu inatsisilerinermut ilinniarneq.
 
Misilitsinnerit: Tamatigut atuarfimmiinnermi naggataarutaasumik misitsittoqartarpoq tassanilu angusisimanissaq piumasaqaataavoq tullissaani atuarnissamut isissutissaammat.
 
Ilinniarneq naggataarutaasumik misilitsiffiulluni naamassineqartarpoq.
 
Sungiusaamik sulineq, piffissat atuarfiusut, akunnerit atuarfiusut il.il.
 
Ukiumi atuarfiusumi siullermi aammalu sap.ak. marluk aallarnisaataasumik atuareernerup kingorna sap.ak.18-nit illoqarfigisami tunngaviusumik atuarfimmiinissaq kinguneruttarpoq.
 
Ilinniarneq nikerartumik sungiusaamik sulinermik aammalu illoqarfigisami tunngavisumik atuarfimmi aammalu Sanaartornermik Ilinniarfimmi atuarnermik ingerlanneqartarpoq. Ukiut marluk sisamat akornanni nikerartumik sungiusaamik sulinermik aammalu katillugit sisamariarluni Sanaartornermik Ilinniarfimmi atuarnermik sap.ak.qulit, aqqanik marluk, qulingiluat aammalu qulinguluit ilinniarneq ingerlanneqartarpoq.
 
Ilinniakkap qaffassarnissaannut periarfissat: Byggeteknikeri.
 
Paasissutissat pingaarutillit
 
Ilinniarnerup sivisissusaa: Ukiut sisamat.
 
Aallartiffik: Augustusip aallaqqaataa.
 
Attaveqaatit: Illoqarfigisami ilinniarfissanut siunnersorti, illoqarfigisami tunngavisumik atuarfik aammalu/imall.