Tunngavissat/katitigaaneq

Ilinniartunngornissamik piumasaqaat
Ukiuni pingasuni Teknikkikkut Ilinniarnertuunngorfimmut ilinniartunngussagaani piumasaqaataavoq meeqqat atuarfianni misilitsiffissat tamaasa pinngitsoorani misilitsiffigisimanissai. Aammalu meeqqat atuarfianiit piukkunnassusermut uppernarsaamik peqarnissaq. Piukkunnassusermut uppernarsaat atuarfinniit immersorneqassaaq qinnuteqaamullu ilanngullugu nassiunneqassalluni.

Meeqqat atuarfianiit toqqaanartumik ilinniarnertuungorniarfimmut ingerlariaqqittuungikkuit atuarfiup qinnuteqaatit tamakkiissumik naliliiffigissavaa qinnuteqaamullu ilanngullugit nassiunneqassapput meeqqat atuarfianiit soraarummeersimanermut, efterskolersimanermut, højskolersimanermut immaqalu nunani allani atuarsimanermut taamatullu aamma inuussutissarsiuutitigut misilittagaqarsimanermut uppernarsaatit.

Tunngavissat
Teknikkikkut Ilinniarnertuunngorniarfimmut qinnuteqartut matematikkimut aammalu teknikkimut tunngasunik soqutiginnillutillu piginnaasaqassapput. Atuartitsinerup annertunersaa pilersaarusiukkanik sulinissamut aaqqissutaammat piumasaqaataavoq nammineersinnaanissamut inersimarpalaarneq, piginnaassuseqarneq piumassuseqartuunerlu.

 Ilinniartitaanerup kaatitigaanera imarisaalu

Ukiut tamaasa fag-ini arlalinni misilitsittoqartarpoq imall.soraarummeertoqartarpoq:

1.HTX           fagini tamani misilitsittoqarneq ajorpoq

2.HTX           Kemi B, Pinngortitalerneq C, Inuiaqatigiilerineq C, 
                      Teknologi B aammalu Matematik B-mi misilitsittoqartarpoq

3.HTX           Teknik A, Tuluttut B, Fysik B, Kalaallisut A, Qallunaatut A aammalu 
                      Matematik A (taamaallaat fag-ini taakkunani toqqaasimagaani) soraarummeertoqartarpoq

Teknikkikkut Ilinniarnertuunngorniarfik aallaqqaamut ilinniartuunngornianut ileqquusumik fag-ini ukunani soraarummeerutaasartunut matematik, fysik aammalu kemi minnerpaaffimmi B-niveau-mut assersuunneqarsinnaapput kisianni nalinginnaasumik ilisimasassat annertuut tunniunneqartut saniatigut ilinniarnerup aamma imaraa assassorluni sungiusagassat, suliassat aammalu sannavinni laboratooriani pilersaarusiukkanik suliaqarneq.

Teknikkikkut Ilinniarnertuunngorniarfiup nalunaarutaa atuuttoq uunga iserlutit takusinnaavat.

Ilinniaqqiffissatut periarfissat

Teknikkikkut Ilinniarnertuunngorniarfik naamassisimagaani teknik-ip pinngortitap iluani ilisimatusarnissamut aammalu ilinniaqqiffissanut allanut periarfissaavoq. Oqaatsigineqassaarlu ilinniaqqiffissat ilaasa Matematik A-mi soraarummeersimanissaq piumasarimmassuk tamannalumi aamma toqqassallugu periarfissaavoq.

Teknikkikkut Ilinniarnertuunngorniarfik inuusuttunut tulluartuuvoq soorlu ingeniøritut, titartaasartutut, nunami uuttortaasartutut, timmisartortartutut, nakorsatut, sygeplejeske-tut il.il.sivikinnerusumik imall.sivisunerusumik ilinniagaqaqqikkusuttunut.

Ilinniarnerup aallartinnginnerani

Pingaaruteqarpoq ilinniarnerup aallartinnginnerani qinnuteqaateqartut ataasiakkaat maleruagassareqqusat, piumasaqaatit aammalu ilinniarfiup ilinniarnersiutinullu maleruagassat ilisimaarilluassallugit.

Tamassuma kingorna ilinniagaqarnersiutissaq maleruagassareqqqusaq malillugu qaffasinnerulissaaq siuliani ilinniagarisimasamit qaffasinnerusumik ilinniaqqiffissamut ingerlaqqinniaraani.Ilinniagaqarsimasutut (soorlu ukiuni marlunni medhjælperuddannelse naamassisimagaani) ilinniarnerit marluk iluanni ilinniagaqarnersiuteqartoqarsinnaavoq. Kisianni pingaarutilimmik illiliiffigineqartarpoq: Ilinniagaqaarnersiuteqassagaani ukiut tallimat kingulliit iluanni ataasiaannarluni ilinniakkamik ataatsimik unitsittiinnartoqarsimassaaq.

Aningaasaqarneq

Kalaallit Nunaani ilinniartitaanernut ilinniagaqarnersiutit tunniunneqarsinnaapput tamanna Sunngu.gl iserfigalugu takuneqarsinnaavoq. Ilinniartitaanernut allanut immikkut qinnuteqaasiorluni ilinniagaqqarnersiutit qinnuteqaatigineqarsinnaapput ilinniagaqarnersiuteqartitsinissamullu soorlu ilinniagassaq pineqartoq tunngavigalugu naliliiffigineqassaaq. Aammattaaq faaginut ataasiakkaanut misilitsiffiusussanut ilinniagaqarnersiutit tunniunneqarsinnaapput soorlu Meeqqat atuarfianni (FSA-mi atuartugaani), Meeqqat atuarfianni (FSUA-mi atuartugaani) imall.Qaffasinnerusumik Piareersataassumik (HF-imi ilinniartugaani).

Maleruagassareqqusat makku naamassineqarsimassapput soorlu sap.ak.minnerpaamik akunnerit 21-vit misilitsiffiusussat malinnaaffigineqarsimassapput aammalu ukioq taanna aallartiffimmi 19-nik ukioqalereersimanissaq.