Atuartut sinniisaat
Atuartut sinniisaat
Kalaallit Nunaanni ilinniarfiit allat assigalugit Sanaartornermik Ilinniarfimmi atuartut sinniisuinik pilersitsisoqartarpoq.
Sanaartornermik Ilinniarfimmi atuartut sinniisui ukiumi ilinniarfiusumi ataatsimi qinigaasarput, hold-illu klasse-lluunniit tamarmik ataatsimik sinniisuutitaannik ilaasortaqartarlutik.
Atuartut sinniisaasa siulersuisussatik nammineq toqqartarpaat, suleriaasissartillu ilinniarfiup pisortaanit akuerineqartussaq nammineq aalajangersartarlugu.
Atuartut sinniisaasa apeqqutit nalinginnaasut, atuartut sinnerlugit ilinniarfiup aqutsisuinut ilinniartitsisunullu anngutassaraat.
Sanaartornermik Ilinniarfimmi atuartut sinniisaasa ileqqoraat ilinniarfimmi ataatsimoorluni sammisassanik arlaqartunik pilersaarusiorlunilu ingerlatsisarneq - ilaatigut ilinniarfiup inersuani marlunngornikkut sisamanngornikkullu filmertitsinerit.
Isumaqatigiissuteqarsimanerit malillugit filmertitsisarnerit taamaallaat Sanaartornermik Ilinniarfimmi ilinniagaqartunut sulisunullu kiisalu taakku meeraannut angajoqqaavinullu ammasuusarput.
Sanaartornermik Ilinniarfimmi atuartut sinniisaat Sisimiuni Ilinniagaqartut Peqatigiiffiannut, SIP-mut ilaasortaapput.
Atuartut sinniisaasa Kalaallit Ilinniagaqartut Kattuffiat, K.I.K attaveqarfigisuuaat. K.I.K.-p internet-ikkut quppernerini annertunerusumik atuarsinnaavutit www.kik.org
|
Maaniipputit >