Ilinniagaqarnerup nalaani aningaasaqarneq
Ilinniagaqarnerup nalaani aningaasaqarneq
Sanaartornermik Ilinniarfimmi ilinniagaqartut Namminersornerullutik Oqartussat maleruagassiaat naapertorlugit angissusilerneqarsimasunik ilinniagaqarnersiuteqarsinnaapput.
Ilinniagaqarnersiutit tassaapput ilinniagaqarnermi ikiorsiissutitut tunniunneqartartut, immikkut tunniunneqartartut allat, ilinniagaqarnermi attartukkat kiisalu akeqanngitsumik angalanerit, immaqalu pigisanik assartuinerit.
Ilinniagaqarnermi ikiorsiissutitut tunniunneqartartut ilinniartunut ilinniagaqartunullu angajoqqaaminni najugaqanngitsunut qaammammut 4200 kr.-niupput, ilinniartunut angajoqqaaminni najugaqartunut 2415 kr.-niullutik kiisalu ilinniagaqartunut angajoqqaaminni najugaqartunut 2100 kr.-niullutik.
Ilinniarfimmut ilinniarfimmiillu akeqanngimik angalatitsisoqartarpoq kiisalu ukiut ilinniagaqarfiusut tamaasa aasaanerani atuanngiffeqarnermi najukkamut angalatitsisoqartarluni.
Ilinniakkani ingerlaqqiffiusuni ilinniagaqartut ilinniagaqarnerminni attartorsinnaapput.
Ilinniagaqartut Sanaartornermik Ilinniarfiup ineqarfiutaani najugallit ineqarnerminnut qaammammut 850 kr.-inik akiliuteqartussaapput.
Ilinniagaqartut ineqarfimmi nerisarumallutik nalunaarsimasut aammattaaq qaammammut 1500 kr.-inik akiliuteqartussaapput. Aningaasat ilinniagaqarnersiutinit ingerlaannaq ilanngaatigineqartarput.
Ilinniagaqarnersiutit pillugit Namminersornerullutik Oqartussat maleruagassiaat erseqqinnerusumik atuarneqarsinnaapput internet-ikkut quppernermi uani: www.sunngu.gl
Kalaallit Ilinniagaqartut Kattuffiata, K.I.K.-p ilaasortani assigiinngitsutigut tapiiffigisarpai, soorlu ilaatigut isarussanut.
K.I.K.-p internet-ikkut qupperneri erseqqinnerusumik atuakkit www.kik.org
|
Maaniipputit >